Xhamia e Klleznës Uebfaqja zyrtare
Mbrëmë me datë 23.07.2014, në Xhaminë e Klleznës u organizuar një program fetarë për nder të Natës së Kadrit, ku përveç xhematit vendas morën pjesë musafir edhe nga vendet tjera përreth duke i dhënë një hijeshi më shumë kësaj natë dhe kësaj xhamie.
Mbasi u fal namazi i Teravisë, imami i xhamisë Senad ef. Maku mbajti një ligjëratë disa minutëshe, ku më pastaj pasoi shpërblimi i dy nxënësve të Shkollës Fetare Islame në xhaminë e Klleznës, të cilët janë nxënës të kësaj shkolle.
Ato ishin Erjon dhe Egzon Kroma, ku para masës kënduan përmendësh suren Jasin, duke na emocionuar si nga mosha e vogël e tyre por dhe nga preciziteti e mprehtësia e mësimit përmendësh të kësaj sureje. Gjë që u shpërblyen nga familja Tula me nga 150 euro për secilin. E lusim Zotin që këto nxënës ti shpërblejë dhe të bëhen hafiza, kandila të Kuranit Famëlartë, gjithashtu familjen Tula e cila përherë gjendet pranë nesh në aktivitetet dhe shpërblimet e tilla, Zoti ia shtoftë bereqetin dhe pasurinë.
Programi vazhdoj me Korin e xhamisë së Klleznës ku performuan me disa nga Ilahit më të reja të kohës si dhe disa recitime dhe monologje ne lidhje me këtë muaj të bekuar të Ramazanit, duke na dhënë shumë mesazhe përmes tyre.
Dhe në fund Forumi Rinor i Xhamisë së Klleznës, organizoj një koktej rasti në oborrin e xhamisë, ku atmosfera ishte e këndshme deri në minutat e fundit të kësaj nate.
Me respekt,
Këshilli organizativ i kësaj mbrëmjeje.
