Xhamia e Klleznës Uebfaqja zyrtare
Të dashur vëllezër e motra
Ju njoftojmë se për të gjashtin vit me radhë Xhamia e Klleznës shpërndau Shporten e Bajramit si aksion humanitar në ndarjen e ndihmave që u dedikohet familjeve në gjendje të rënduar ekonomike në tërë teritorin e komunës së Ulqinit me rrethinë dhe në Krajë.
Në netët e Kurban Bajramit, konkretisht 2-3 ditë para Bajramit, Xhamia e Klleznës bëri shpërndarjen e 250 shportave të Bajramit, ku shporta përmbante gjërat elementare ushqimore dhe ato higjenike.
Pasi gjatë muajit të Ramazanit kemi bërë shpërndarjen e 215 shportave, atëherë pjesën tjetër të hollave të mbetura nga donatorët e shumtë që kanë kontribuar gjatë muajit të Ramazanit dhe ditëve të bajramit, kemi pasur obligim moral si para Zotit të Plotëfuqishem dhe para donatorëve që amanetin e tyre, pasurin e tyre që na besuan neve si Xhami e Klleznës në shpërndarjen e ndihmave e perfunduam me angazhimin maksimal, sinqeritet të plotë dhe me bindje se shperblimin do ta kemi tek Zoti i Madhëruar, për të gjithë ata që kontribuan në menyra të ndryshme.
Andaj si komision i Shportës së Ramazanit dhe te Shporta e Bajramit jemi plotësisht të kënaqur me mbarëvajtjen e të dy aktiviteteve humanitare që u realizuan nga Xhamia e Klleznës, Këshilli i Xhamisë dhe Forumi Rinor i Xhamisë së Klleznës.
Në të dy aktivitetet u shpërndanë gjithsejt 465 pako.
Lusim Zotin e Plotfuqishëm që donatorëve tanë, të ua sghtoj bereqetin si dhe mbarësi në familjet e tyre. Urojmë që shpesh herë të jemi prej atyre me shpirte e zemer të pastër, të jemi të drejtë dhe human gjatë jetës sonë.
Zoti ju bekoftë bamirës.
