Ndër aktivitetet e shumta në kuadër të xhamisë së Klleznës ishte edhe Pikniku me nxënësit e Mësim-Besimit (shkollës fetare) të kësaj xhamie.
Ditën e Diel, me 12.04.2015, Xhamia e Klleznës organizoj me nxënësit Piknik pranë detit, ku kësaj herë vendargëtimi ishte plazhi atraktiv i Valdanosit në Ulqin.
Pjesë e programit të këtij pikniku ishte, shëtitja në natyrë pranë detit, lojëra të ndryshme si futboll, volejboll, tërheqje litarit, etj. Ku e veçanta e kësaj ishte se në lojërat e ndryshme me nxënësit tanë u bashkëngjiten edhe fëmijë dhe nxënës të tjerët që ishin prezent dhe që kishin dalë që këtë fundjavë ta kalonin në valdanos.
Në ora 12:30 kishim përgatitur drekën (ushqimin) dhe pije të ndryshme freskuese për nxënësit tanë. Por ka pasur nga nxënësit të cilët kanë sjellë edhe ëmbëlsira të përgatitura nga vet ato.
Pikniku filloj prej orës 11:00 e përfundoj rreth orës 15:00.
Nxënësit u argëtuan shumë saqë në sytë e tyre vërehej gëzimi dhe dëshira e madhe për aktivitete të tilla, gjë që kjo, neve na shtyn dhe motivon që aktivitetet e tilla mos ti mungojnë asnjëherë xhamisë së Klleznës.
Më poshtë mund të shikoni disa fotografi të përzgjedhura me rastin e Piknikut në Valdanos.