Xhamia e Klleznës Uebfaqja zyrtare
Në mbrëmjen e së Dielës, me 20.11.2022, pas faljes së namazit të akshamit në Xhaminë e Klleznës u organizua Mevludi tradicional për nder të përkujtimit të lindjes së Pejgamberit tonë të dashur Muhamedit a.s.
Në këtë Mevlud tradicional morën pjesë imam të xhamive të tjera të rrethinës si dhe familjarë të ndryshëm si vendas dhe të tjerë që na nderuan me pjesëmarrjen e tyre.
Hapjen e bëri imami i xhamisë Senad ef. Maku, ndërsa ligjëratën kryesore të këtij programi e mbajti imami i xhamisë së Zogajve, Astrit ef Nikaj, i cili foli për rëndësinë e ymmetit të Pejgamberit Muhamed a.s., dashurinë, përmallimin e tij ndaj nesh si dhe bekimet që i ka ky ymmet fal Muhamedit tonë të dashur s.a.v.s. që Pejgamberi ka fol për ato që do të vijn pas tij i cili me ligjëratën e tij përfituam shumë dhe mësuam shumë gjëra të pa dëgjuara më parë.
Pas ligjëratës u këndua pjesë nga Kurani, pjesë nga Mevludi Sherif, ilahi të ndryshme, lutje dhe salavate për pejgamberin Muhamed a.s..
Mevludi është një nga traditat e muslimanëve shqiptarë. Besimtarët kanë treguar gjithmonë një përkujdesje të veçantë për të, duke e ruajtur këtë traditë ndër shekuj. Kjo, në një fare mënyre, është shenje mirënjohjeje dhe dashurie ndaj Pejgamberit tonë Muhamed a.s.
Në fund për pjesmarrësit u shtrua një koktej i begatë nga duar e arta të nënave, motrave dhe vajzave tona që i përgaditen ato, dhe të gjithë ato që kontribuan në çdo llojë mënyre, Zoti i shpërbleft dhe ju shtoft bereqetin.
Me respekt.
Këshilli i Xhamisë së Klleznës.
