Nxënësit e Mësim-Besimit i bënë një surprizë të këndshme mësimdhënësit të tyre, imamit të xhamisë në kuadër të përfundimit të shkollimit katër vjeçarë. Imami falënderon publikisht nxënësit e tij në profilin e tij në facebook, duke u shprehur në këtë mënyrë, citoj:
Dua ti falënderoj publikisht nxënësit e mi të Mësim-Besimit të cilët më bënë një surprizë të paharruar për mua mbrëm në Natën e Kadrit në Xhaminë e Klleznës në kuadër të përfundimit të shkollimit katër vjeçarë sipas programit të kësaj shkolle dhe ndarjes së shpërblimeve, Certifikatave dhe Diplomave për këto nxënës.
E veçanta e kësaj nate ishte kjo surpriz të cilën e mora nga nxënësit e mi duke më dhuruar një Mirënjohje për punën time me ju, si dhe disa dhurata për mua dhe familjen time.
Ju falënderoj shumë nxënës të mi të dashur, gjë që kjo më bën edhe më shumë të përkushtuar ndaj jush dhe gjeneratave tjera që do të vijnë në këto banka shkollore, më motivojnë që të jem i palodhshëm në punën time… Ju falenderoj nga zemra pasiqë mbrëm ishte e pamundur tju falënderoja nga emocionet që më keni japur.
Ju dua dhe do të jeni përher shembuj si nxënës të dalluar dhe të përkushtuar ndaj mësimeve që kam ofruar unë si mësimdhënësi juaj.
Me respekt të veçantë,
Senad ef. Maku.
Fjalët e përzemërta nga nxënësit që u shkruajtën në Mirënjohjen e dhuruar janë, citoj:
Z. ef. Senad Maku.
Të thënit “FALEMINDERIT” është e pakët për të shprehur mirënjohjen e madhe që kemi ndaj juve.
Faleminderit për katër vite të përkushtuar nga ana juaj, mbi të gjitha plot humor, durim dhe çështë më e rëndësishmja plot dituri.
Nuk ishe vetëm mësimdhënësi jonë por edhe shoku jonë më i mirë. Jemi shumë të lumtur që arritëm të mësonim shumë nga ju.
Faleminderit për punën e palodhshme që treguat ndaj nesh.
Ju urojmë çdo të mirë dhe fat në vazhdimësi!
Me dashuri nxënsat e mektebit – Kllezën 2011-2015.